Job Opportunity:

 

 

Theatre

 

Technician

Cas di Cultura (CdC), Aruba su Teatro Nacional y Centro Cultural tin como mision pa ta e cas pa nos comunidad unda arte y cultura ta florese y unda tur hende ta sintiele bon bini pa desaroya su talento, sea inspira, emociona y entreteni. Como espacio unda hopi hende ta topa CdC ta aporta na fortifica nos identidad, autenticidad, e balor pa arte y cultura y ta yuda crea un comunidad unda ta dushi pa biba. Pa reenforsa nos equipo nos ta buscando un persona cu ta entusiasma pa ta Tecnico di Teatro.

​

E Tecnico di Teatro ta:

A. Responsabel pa conhuntamente y independientemente: 1. palabra, 2. planea, 3. set-up, 4. ehecuta y 5. ruim op tur actividad na Cas di Cultura. Actividadnan mester di entre otro respaldo di sonido, lus y set-up facilitario.

1. Palabra: reuni cu e cliente y inventarisa e necesidadnan, programa y orden di su evento encuanto lus, sonido y otro aspecto facilitario.
2. Planea: palabra cu team e momentonan cu ta dedica na cada evento y tur aspecto cu mester organisa y ubica por ehempel position y diseño di lusnan, decor, wayanan y files di sonido etc.
3. Set-up: ehecuta fysicamente tur instalacion y inventario cu e cliente a pidi.
4. Ehecuta: traha durante training y durante e evento mes pa esaki bai manera palabra, manehando lus, sonido otro inventario, decor y e computernan y sistemanan concerni.
5. Ruim op: percura pa tur inventario ta den bon estado y bek na nan lugar pa e proximo uso.

Tur aspecto ta bou liderasgo di e “Hoofd Theater Techniek” y ta responsabilisa na su persona.

​

B. Ta yuda mantene e inventario, percura pa e calidad keda bon y ta avisa ora mester drecha material. Ta yuda busca oferta ora mester reemplasa material.

​

C. Ta yuda mantene regla di seguridad y brandweer.

​

D. Ta ehecuta tur locual ta rasonabel dentro di e modelo di organisacion di Cas di Cultura cu ta cai bou di trabou technico, facilitario y mantencion pa e organisacion por cana dia pa dia.

​

Rekisitonan necesario pa eherce e trabou:

· Diploma di EPI-Techniek cu ta inclui electrotechniek;

· Experiencia den trabou cu ta duna servicio ta prefera;

· Afinidad y entusiasmo pa traha cu equiponan tecnico; lus, sonido, electrico, computer;

· E habilidad di traha oranan flexibel y irregular;

· Interes pa arte y cultura ta deseabel;

· Bon comunicado, creativo, entusiasta y deseo pa siña cosnan nobo.

· Bon organisado;

· Bon condicion fisico y sin miedo di haltura.

​

Nos ta ofrece:

· Un salario competitivo cu beneficio secundario

· Un team dinamico y positivo

· Trabou varia y unico

​

Pa solicitud ta desea un carta di motivacion y CV via e-mail: dirigi na Gerencia di Cas di Cultura, no mas tarda pa dia 15 di juni 2019.